Editor's Note:

Mao ni ang mga sample sa mga email chat sa mga Bansalenos reflecting a slice of their current situation and life away from Bansalan. Read on with a sense of humor. What they're saying may not necessarily be true.

Mga Istorya From Zeny Acaba of Australia, former Nazarenian.

Lahi ra gyod ang mga taga Holy Cross, pa-siopao siopao gyod mo.. class man god kaayo.. and yes ang mga taga Nazareth ang tawag sa Holy Cross, malibang manguros, especially during the basketball tournament basta ang kantiyaw grabe kaayo.

Ang mama ni Jean Walter mao to ang tigbaligya ug bihon duol sa Nazareth. Tag diyes and takos puston sa saging dahon. Usa ra gyod ka hiwa nga baboy and ibutang sa bihon. Kay wala may kutsara kamoton ug kuoton ang bihon sa sudlanan, wala pa ra ba gyoy hugas ang kamot.

Usahay maka kaon man pod ug halu halu ang mga Nazarenian sa ila ni Silva. Pero kung moabot ang mga taga Holy Cross, mubo kaayo ug sinina, hamis ug puti ang mga pa-a, (morag usa to si Jane ba.) basta mabungkag mi dayon sa among kaulaw sa mga taga Holy Cross.

Maayo pa mo makatan-aw ug salida sa Elite Theatre. Kaming mga pobre sa gawas lang mi maminaw sa salida.. Di ba ang speaker naa man sa gawas sa sinehan? Didto lang mi maglingkod duol sa Sunshine maminaw. Kahibalo man pod mi nga si Fernando Poe gipusil unya gigakos siya ni Susan Roces. Por bida pod tong sinihan nato, naa may swimming pool sa atubangan... Kinsa may ganahan mag halok halok dito sa balcony nga pagka daghan sa kuting... Daghang burot ang lubot inig kahuman sa salida.. kahibalo ka na double pa gyod ang salida unya mo-review pa gyod ta.  Proud kaayo ko inig gawas nako sa sinehan.. daghan ang maglantaw ug maibog nga nakasulod ta ug sinehan.

And carenderia ni Piling (next to Silva's halu halu) corner Forget Me not St and highway ang mahinumdoman nako. Mopalit mi ug humba usa ka serving para sa napulo ka mga bata. Ang manghod nako nga si Nonie (Tune's friend) masakiton man iyaha ang unod amoa ang sabaw. Magsige god ug yawyaw si Piling kay sige namo ug hangyoon nga dugangan ug sabaw ang humba.

Usahay makapalit man pod mi ug pansit ila Mabuhay.  Basta lagi pag ako ang sugoon mopalit, kuoton nako ang bola bola unya lan-lanon pauli sa balay.. Inig abot wala nay bola bola bugno-on god ko sa akong mga manghod. Sus pagkalami gayod kung ako ang maka kuha sa dahon nga putos sa pancit kay naa pay gamay nga sauce sa pancit, ibagnos dayon nako ang kan-on.. Hmm pagka lami gayod.

Kung walay makaon sa balay, naa mi bayabas nga wala gyod hunong ang bunga. Mokat-kat dayon mi sa bayabas. Walay mga pantie. Karon lang ko naka himat-ngon ngano ang mga lalaki dili mokatkat maghulat lang sa silong sa bayabas unya sige ug hangad.. Sa kapobre namo kung naa mi pantie, usa ra gyod ka buok... Ang tawag namo Side A, Side B.. Bali balihon lang namo kadaadlaw.. Karong adlawa, Side A, tomorrow Side B, etc... Matag Sabado lang labhan unya samtang naghulat nga mauga ang pantie, katkat mi sa bayabas.

Kasagaran kay baratohon nga pantie ang garter madaot mahushos ang pantie so butangan lang namo ug alpiril... Hangton karon, the habit of using alpiril with my underwear, naa lang gihapon. For some reason, even now I feel sayang ilabay ang pantie pag mahushos na.. gamiton lang gihapon nako with the alpiril... Kanunay naa koy alpiril sa bag.

Nahinumdom ko nga ang among kalingawan matag Sabado, magdula mi ug piyong-piyong (hide and seek sa English), takyan remember ang taklob sa Coke maoy atong gamiton sa takyan, puston ug panapton with lastiko unya kung naay balhibo sa manok atong iapil ug putos. Nindot pod baya tan-awon ang takyan. Kaming mga babaye magdula ug "bending" gamiton ang swalo (tongs).. puwerte nako maka-bend para lang pikpikon ang swalo sa kalaban with my swalo. The boys magdula ug lastiko ug holen ug magpaaway sa damang... Usahay skipping rope.. it was like a neighbourhood nga dula tanan makaapil.

Hawod kaayo ko mag-skipping rope makaabot kod ko ug 500 ka skips apil na criscross routine. Maayo pod ko mo-syatong... sssssssyyyyyyyatttttttoooooooongggg.. walay ginhawa ginhawa hangtod makaabot sa home base. Tigso, jackstone are some of the games we used to play. Nahinumdom mo sa balay-balay nga dula.. role playing kung baga. Naay Mama ug Papa unya ang Mama ug Papa maghalok halok pod (pretend lang god!!)... Unya kung full-moon magdula mi ug bulan bulan sa tunga tunga sa kalsada. Tatsananay... touch lagi dala gakos.... chancing kaayo ang mga lalaki!

Do you miss the sari sari store nga mag serve ug tuba? Istambayan sa mga teen-agers ug  didto mag abot ang mga naay trato? Unya ang mga istambay kung hubog na magkanta kanta ug magtugtog sa gitara? I still remember the songs "Hotel California", "Puff the magic dragon" "We are the champions" nga kanunay kantahon sa mga istambay.. And oh, i still remember the "harana".... Wow that was romantic ilabina kung kantahan ka ug "I can't stop loving you? by Perry Como ba ni?

Edwin, nahinumdom ka one summer vacation when you were at the right age para tuli-on? (Ha? Kinsay gituli? Wala koy memories kay traumatic kaayo to.) Nahinumdom gyod ko sa mga lalaki around the age of 10 maglinya para tuli-on usually during the vacation.. Tigmo (riddles)... I miss this very much... "What is at the back of a cow that is in front of a woman?".."w" We used to have tigmo, almost every night.. ghost stories, stories that send moral messages, war stories...childhood stories of our parents... I miss them all!  We really lived a "life" in those days. O sige na uy... gimingaw na ko sa atong kagahapon...

Dili Magpailad Si Tune Sonza From New York Sa Bulatik Ni Zeny

Hoi dai Zen, wa ju'y mutu-o anang imong istorya kay murag kamo ra man siguro ni Lalay ug ni Gilda ang naka tour around the world! Kami nang hornal pa intawun diri sa Manhattan!! Pulaw kaayu binantay sa mga masuso sa mga adunahan diri! (Maayo na lang walay bana nga gusto pod mosu... mosud-ong sa imong kaanyag. )

Those were the Day's my friend nga mantinir ta'g champorado (cacao), pamahaw, pani-udtu! Pama init. Kahinundum bitaw ko sa siopao sa Holy Cross lami naman tu kaayo, hasta ang shakoy! Wala na sa NaZAreth Zen!!!!

Ayu ayu,,, mantinir na lang ug kiwi fruits diha Day Zen!!!

Warm regards!
Tuneeeeex

Tubag ni Jane Nique-Velez Matakaw from New York

Bitaw de ko kalimot anang siakoy ug siopao kay kung hapit na gani ang recess mo excuse dayon mi mag cr kuno aron makapila na sa taas nga linya. Mao suko kaayo si Atty. Estong de la Cruz kay nakamalay na sa among style. Lami bitaw tung binignit ni Nang Sayong Dwin.

Pagkahapon adtu na sad mi sa halu-haluan ni Erlyn Silva, de pa jud matagbaw adtu na sad sa ginanggang saging ni Mrs. Cavan kilid sa sunshine rest ug sinehan.

De sad ko kalimot sa pancit ug sari-sari sa Mabuhay Restaurant. Hasta na lang pagkalamia  jud. Muadtu gud ko sa ilang kusina motan-aw pagluto...paspas kaau tung ilang cook. Maghilak ang semana kung de mi makaorder kang Pons Far. Naa pa ba ang restaurant karon?

I really enjoyed my stay at Holy Cross..sige lang ug malibang manguros!...(Kay wala kay laing gibuhat kundi sige ug kaon.)

Tubag ni Ann Nique-Sabio Gikan sa New York

Dear All,

Hay, unsaon man pag grow ning among kwarta nga naa man mga estudyante, pag
mag sugod na gani na ug ingon MA..... here we go, I know what's next.

Samok pod ning credit card kay mabalaw ko ug check sa akong balance adlaw
adlaw gitagaan na hinoon ko ug trabaho imbes di ko moutang, pautangon jud
daw to build up credit history. Kining pangutang ang unta dili nako sudlan
kay kung wala ka utang naa ka peace of mind pero kining america bawion man
ang atong hinagoan.

Tinood ka Ed, ang uban taga liog na ang utang, nag hilak na ang AMEX,
naluslos na sige ug bagnos. Nag plano pa naman ko ug palit ug DENALI dili
kaha ko nimo tawagon ug Sosyalera?

Mga Asoy ni Imee from Germany

Ed, puede na ni i-publish nimo opus ni Zeni sa atong mga Balik sa Kagahapon. (Dili ko kabalibad nimo Mee.)

And yes, lami lang gihapon ang pancit canton and siopao sa Mabuhay paresan ug Coke! And Evelyn Far, former HCCB majorette too is guapa lang gihapon. Saw her in 2002. We fully occupied Mabuhay in Dec. 2003 (I think) when our HCCB batch sponsored the yearly reunion of alumni. After the parade sa buntag, we treated all the participants to our resto of old. Ang Vervics is I think already closed Ed. Mabuhay though needs renovation and faster service training sa mga waitresses.

Zen, apila pa ug mention ang chicharon baboy sa carinderia ni Nang Piling ug pritong porchop! Heaven na kaayo ko ato. My highlight for the weekend when our family used to live in Forget-Me-Not before we transferred to Villa Alde.

The mantika sa baboy nga natulog nga ipalanay sa init nga kan-on, unya sabay pisik ug asin, o di kaya patis used to be my special treat whenever I visit my lola in Km. 77 when I was a kid!

Here in Germany, badlungon na lang gud ko sa akong bana kay ganahan ko ug palit sa "schwein haxe" roasted pata sa baboy nga tig 1.75 Euro lang!

Girayuma gud akong tiil ug kinaon ani parisan ug itlog, kape ug kan-on. (Naku, gout na.)

Tagam nako. My uric acid and cholesterol are now richer than my pocket.

Remember the apple once nga mahal kaayo ug heaven kaayo ang kahumot ug makit-an lang inig-Christmas? In our younger days, mao gyud ni pinaka-espesyal nga prutas sa ato. Mag-ilog gud mi 6 ka magsoon sa isa ka buok nga apple like a pack of wolves ! Karon mangalata lang dinhi sa Germany . I miss the manga!

And don´t forget the addicting Komiks that taught us our Tagalog. I remember how I get so excited watching out for the next issues of my favorite Teens Weekly, Hiwaga, Pinoy Klassiks, Bulaklak, Bisaya and Liwayway. These used to eat up most of my allowance before.

And the Takyan! Haha, I used to beat the boys playing this game up to 100! 

I was bad.  Mal-mal gud tawon kaayo sa ako si Romeo M. ani, hehe, ssshhhh!  From second floor sa Bansalan Central grade 6 bldg., punit siya sa takyan sa ground flr. The "tumba lata" is another game I can really be mean. My poor sister Brunny suffered from endless picking up of the lata whenever I beat her in this game. She used to pray I die!

During Christmas, remember the walis tingting or kape branch used as Christmas trees, i-sprayhan ug bula sa sabon to simulate snow. We have parols made of cellophane, crepe and Japanese papers. We even have fun using the red crepe paper as lipstick! The Christmas songs "Kasadya"... is a classic that goes with the carols using tansan as musical instrument.

For culture, HCCB used to have the South Pacific operetta where we danced the "can-can". Aurea Bernasor was the lead dancer and we were like the chorus girls! It was theater for Bansalan then.

Is Sarsi softdrink still being sold these days? This was cheaper than Coke, so we buy this for .35 cents during recess out of my sales from candies.

At times we have fever as kids, we used to have special treat of Royal tru-Orange and Skyflakes biscuits, or lugaw with egg. A real treat during those times. And Coke was a special drink served to guests. Unya inig-lakaw sa bisita lumba dayon mi ug ilog sa salin sa bisita!

And the highlight of the year is going to Dawis beach in Digos with the family,

mindless of the scorching sun while swimming and going back only to land, to the payag, to eat the "puso" and sinugbang baboy or lechong manok, boiled banana or suman! Yummy!

Those were our simple but happy days....

Imee

Mga Confessions Ni Lalay

Lagi Dwin mabaw kaayo ang atong kalipay sa una no? Mao gyud sulat na ta ug
libro on our Memories of Bansalan uy!

Sa una mangawat ko ug bayabas ila Nebrada tabok sa sapa unya pakambyuan nako
ug papel hehehhe ayaw saba ha! Usahay pagkatkat nako sa bayabas naay
naghulat nga bitin gadiwalwal ang dila, jesus ambak dayon ko uy ayo! Dagko
kaayo ang bayabas ila Nebrada. Nadugay kay classmate man nako si Elvie ingon
nako dala bayabas Elvie kay motabang ko ug pakambyo ug papel. Nahimo gyud ko
nga ahente ni Elvie. Sideline nako gawas baligya ug mani ni Velasco sa Elite
theatre.

Kang Fr. Pelettier ko natilaw ug USAID milk. Sa jargon karon "dumping" na ang tawag. Nanghinobra ang production sa milk sa USA mao nga to maintain the price, they send their surpluses to the developing countries.

Later si Sr. Diega gihimo ug siacoy unya ang mantika baho kaayo, pero sige lang kaon lang gihapon. Basta lagi ang putos, magluma-luma sa mantika hasta simod sinaw kaayo.

Hello Imee,

Pareho diay ta ug weakness. Ako diri mao gihapon ang akong ginahimo. Wiskan ug toyo da busog lagi kaayo. Usahay di nako mogamit ug plato, diretso na sa kaldero! Kit-an usahay ko ni Wim, maglingo-lingo na lang.

Nahinumdum pod mo sa carenderia ni Nang Asun (Restar) duol sa Mike's Bowling place?  Ah wa na seguro mo kaabot ani pero didto ko ani mopalit ug sud-an. Usa ka hiwa  barilis unya ipadaghan ang sabaw!!!

Kanang komiks dinha mahurot ang akong kwarta kay sige ug pang-arkila.  Hinumdum ko bata pa ko magkasakit gani ko pangutan-on ko ni Papa unsa ang akong gusting kaonon. Ingon nako marshmallows ug raisens ug pakapinan ug del monte fruit cocktail. Siga mata ni Papa pero magkabuang intawon ug pangita ug kuarta aron mapalit ang akong gustong kaonon. Handum ko kanunay nga magkasakit hahahaha!

Hay Ginoo kining atong kagahapon makapalipay gyud sa balatian. Sige sulat pa ug mga sugilanon sa atong mga kagahapon.

ooOoo